काठमाडौं । Rabi Lamichhane नेतृत्वको Rastriya Swatantra Party का सभापति रवि लामिछानेले प्रतिनिधिसभा निर्वाचनका लागि गरेको चुनावी खर्च विवरण सार्वजनिक गरेका छन्। चितवन–२ बाट निर्वाचित भएका लामिछानेले निर्वाचन प्रयोजनका लागि कुल ९ लाख ८९ हजार ९ सय ८७ रुपैयाँ खर्च भएको विवरण सार्वजनिक गरेका हुन्।
सार्वजनिक गरिएको विवरणअनुसार मनोनयन दर्ताका लागि १० हजार रुपैयाँ खर्च गरिएको छ भने नमुना मतपत्र सामग्री छपाइमा ६८ हजार १ सय ६१ रुपैयाँ खर्च भएको उल्लेख गरिएको छ।
त्यस्तै यातायात तथा इन्धनतर्फ दुई वटा गाडी १५ दिन प्रयोग गर्दा २ लाख ९५ हजार रुपैयाँ खर्च भएको देखाइएको छ। मतदाता प्रशिक्षणका क्रममा खाजा खर्चका लागि १४ हजार २ सय रुपैयाँ खर्च भएको विवरणमा उल्लेख छ।
यसैगरी वडास्तरीय प्रचारप्रसारमा ४६ हजार रुपैयाँ खर्च गरिएको छ भने प्रचार सामग्री खरिदतर्फ झण्डा र ब्याचमा १ लाख १२ हजार रुपैयाँ खर्च भएको छ। ब्यानर र स्टिकर खरिदका लागि ५५ हजार रुपैयाँ खर्च भएको पनि विवरणमा जनाइएको छ।
त्यस्तै खाद्यान्न तथा रासन खरिदमा १ लाख ९६ हजार रुपैयाँ, हवाई यात्राका लागि तीन पटकमा १३ हजार ६ सय ६२ रुपैयाँ र गोष्ठी तथा भेलामा १ लाख ८० हजार रुपैयाँ खर्च भएको विवरण सार्वजनिक गरिएको छ।
फागुन २१ गते सम्पन्न प्रतिनिधिसभा निर्वाचनमा चितवन–२ बाट रवि लामिछाने अत्यधिक मतका साथ विजयी भएका थिए। Election Commission Nepal को प्रावधानअनुसार उम्मेदवारहरूले निर्वाचन सम्पन्न भएपछि आफ्नो चुनावी खर्च विवरण सार्वजनिक गर्नुपर्ने व्यवस्था रहेको छ।